SESORAH PERPISAHAN

            SYUKURAN

Assalamualaikum Wr.Wb.

Para rawuh ingkang minulya, ingkang sepisan kula nderekaken memuji ing ngarsaning Gusti Ingkang Maha Agung awit sampun kepareng paring ganjaran wilujeng satemah kula miwah panjenengan saged makempal ing adicara sukuran menika, kanthi pangajab adicara saged lumampah kanthi rancag tanpa alangan satunggal menapa.

Raka kelas sanga ingkang kula tresnani ingkang skedhap malih badhe nilaraken bangku pawiyatan ing SMP menika. Kula minangka wakilipun kelas pitu lan kelas wolu badhe ngaturaken panampi atur perpisahan saking raka kelas sanga. Kula ngraosaken bingah dene panjenengan sampun kasil medal saking SMP menika kanthi nganthongi ijasah maring SMA.

Kula sakanca badhe ngaturaken pangapura awit kekirangan kula sakanca. Raka kelas sanga ingkang kula tresnani, kula sakanca ugi badhe ngaturaken matur nuwun paring pitedhahipun dhumateng rayi kelas pitu lan kelas wolu. Kula sakanca boten saged atur piwales menapa-menapa naming atur matur nuwun wonten ngarsanipun. Kita namung saged mbales ngagem donga mugi-mugi sukses lan slamet.

 Mugi – mugi raka kelas sanga kedah semangat sinau mempeng supados menapa mawon ingkang para raka kelas sanga cita-citaaken saged dipunlampahi. Kula cekapi semanten rumiyin atur kula, bilih wonten kiranging atur mawantu-wantu kula nyuwun lumunturing samodra pangaksami.

Wassalamualaikum Wr.Wb.